Sample Reply of Love Letter :-)

Myri Zulfoon kay aseer # ________

Tasleemaat Tasleemaat!

Raat dair tak CHAND se hum-kalam rehnay ki paadash main, hamari khawbeeda ankhain zara takheer se es duniya kay nazaron se aashna hoii. Abhi angraii bhi naa toti thi k ayk kaghz qadmon mae aan gira . Khushboan main bheega woh tukra hum nae jaisey hee apney narm o nazuk hathon pe rakha , hmari nazar zara fasley pae paray aysey hee dhear pe pari . Magar chonk aap k lafzoon ne sab se pehlay hmarey qadmon ko chooney ki jisarat ki thi tu hum ne bacion pe nigah-e-ghalat daaley bghair aap ka muhabat nama uthaia . Joon joon hamari nazar satrooon pe phisalti gyee tooon toon hmari soch kay falak pe taarey nachney lagney.

Aae myrei nigah-e-dilfraib kay shikar ranjeeda khatir matt ho. Tumhari sachi lagan myra dil moh chuki hae . Main apney aap ko hawaon se ooncha urta mehsoos kar rahi hon . K2 tu kaheen buhut door neechay reh gya hae . Myra dil Murree aur Jigar Thandiani bana hoa hae . Myri sansoon main dary-e-kanhar jaisa talatum aur zahun pe saif ul malook sa sakoon hae.  

Aae myri aashiqon ki fehrist pe (temporary) full stop laganey waley , main muntazir hon uss haseen pal ki jub tum bhi apna muhabbat ka business wind up kar kay myrey aur sirf myrey PA bun jao.

Nigah muntazir hae , dil bey-qarar hae

aaj hi aa jao tu behtar warna kal ko inkar hae!!!! 

Ub se shaam tak sirf tumhari__________ .