Eid Milad Un Nabi kay moqa per Faisalabad main honay wali hungama arai ne mujhey ‘hisab kitab’ ki ajeeb mushkil main daal diya hae  DCO Saeed Wahla sahib ne city main 4 logon kay ayk jgah jma honay pe 144 lga di he hae ..hehehe.. hunsney ki baat hae naa? mujhey aj bacha party ko un ki aur apni amman smeat sindbad le k jana tha aur ub mujhey yeh samjh nahi aa rahi k kis ko lae k jaon aur kis ko choron. Sindbad janey ki farmiash myri batiji ki thi jis ki 26th ko birthday thi aur wo kisi soorat es mtalbay se peechay hutney ko tyar nahi :-s usae pehlay hee shikwa hae k woh month k end mae paeda hoii jub kum budget ka bhana bna k  uss ki BD ka grand function karney se muaz’rat kr letay hain … agurcha es muamlay main uss ka aur myra dukh saanjha hae but she says kay aap tu ‘phuphoo’ ho hehehehe … khair jaloos kay route pe Wahla sb. ne work out nahi kiyaa mujhey ginti gin’ney ki museebat dal di hae …

Hmari baji (maid) ne kal ki larai ka connection garmion se kr dia hae. Intehai masoomiat se ammi ko keh rahi thi k bus ub garmian aa gye hain kionk ub Faisalabad main laraian honi shoro ho gyee hain hahaha… Es logic ki mazeed khojney pe myrey elm main unho ne es tarh azafa kiya k christians
( she is a christian) kay ghar main jub ghandum aur Gujranwala main rice ki fasal pak jaye tu woh laraion ka mausam hota hae … kionk phir muqadmon pe paisa lganey ki fikr nahi hoti hehehe ufffff… baat tu sahi hae Gujranwala main honay wali laraian tu main apni ankhon se dekh chuki hon…

Mujhey ub durr es baat ka hae kay kahin hmarey ghar main bhi ayenda few hrz main aysey waqiat paesh na aa jain jis se mujhey pooora yaqeen o jaye k ‘ garmian aa gye hain ‘

hahahahahaha …. kuch kharab hee kar rha ho ga

Phir bach gye Yellow card se

Oho nahi gira???? try again !!!!

I hope yahan Arshavin ‘foul’ nahi kheala …

Buhat heeeeeeeeeeeeeeeeeee pyara ‘goal’ hae bhi yeh tu

Lo ji

Bhala yeh bhi koi baat hoi

Farmaya gya

Izn-e-izhaar tu hae ,par zra hutt kay ho

Chankor ka tuzkira zarori nahi

Phir bhi mehboob ka jalwa dutt kay ho

Yeh kion nahi samjhtey Zaljanu

Himmat bandhti nahi ,

lafz kahan se doondain

Benazir ki ’shahadat’ kay din

 Urlughat baechari kahan se doondain

Sardoupehar main sabz chaye ka cup

Wo bhi bghair cheeni kay

Es chinghareeebi kay aalim main

Jo sach koi monh se nikal gya tu

Kon Kumishqbakht

Sar pakar kay Ta-umar 

MaNafrat ki Kurwee ’safi’ main

Muhabbat ki chum chum donday???

Aur..

Kabhi samna ho jo etefaqun

Tu bigray monh se bolain

Mujhey Yukhhh thooo

Tum se Muhabbat hae Yukh

Yukh Yukh thoo !!!  

 I love Halwa. Es ka yeh matlab nahi kay main ‘mulvain’ hon. Mujh se mil kar tu yeh Maulvi hazrat apni ‘aqal’ aur ‘feham’ kay mutbaiq gin kay poora 33 baar Lahul Wala Quwata parhain. Halwa mujhey es liye pasand hae kay halwa hota hee es qabil hae .. meetha meetha .. dil , damagh ,rooh aur maaiday ko sakoon bakhsh denay wala. Myrey buhut qareebi log buhut achey tareeqay se jantey hian kay mujhey ‘aaj kal’ halwa kis qadar azeez ho gya hae. Aray nahi nahi koi ‘khush-khabri’ nahi hae :-p , main aaj kal hmesha ki tarah sirf ‘meetha’ choor kay smart honay ki koshishon mai masroof hon. Sirf meetha kion ????? …well kionk main khati hee sirf MEETHA hon. Agar main meethay kay elwa kuch aur khaney ki koshish karon tu es kay peechay muharik sirf yahi jan’na hota hae kay meetha kitna meetha hota hae .

Aaj jub myri maan ji ne hatim taii ki qbar pe laat martey hoye mujhey sugar-free tea kay sath sugar-free wheatables khaney ka mashwra diya tu newspaper main word ‘zahreela halwa’ baqaida myri ankhon kay samney nachney laga. Agar kisi ne hulway(maulvi) ko hulway se marney ki koshish ki tu eman se bari hee meeethi aur masoom koshish thi. Magar uss masoom ko yeh nahi pta tha kay hmarey maulvi itney ‘zahreelay’ hain andar se kay meethay main milay gye ‘zahar’ ka un pe khatir khawa asar hona hee nahi tha. Baekarr main halway ko kharab aur badnaam kiya.  Ub khatam darood pe maulvi food inspector sath lae k aya karain gae kionk myri tarah halwa khana tu wo choor nahi saktey. En maulvion kay sath reh kay Pakistan main food inspectors ‘musalman’ ho gye tu???? Pakistan ki population barh nahi jaye gi??? Doctors kya China ka 10 10 rupay wala maal bachain gae??? Food Inspectors ki category CSS groups main shamil ho jaye gi?????? ufffffff kitna ghalat kya kisi ne halwa zahreela kar kay

Khair Halwa chahey NRO se ziada badnaam ho jaye , uss k liye myri muhabbaton ki shiddat main koi kami waqia nahi ho gi IA. 

Ayenda se wo log jo daata darbar hazri k liye jaatey hain un ki bhi 2 khawhishaat tu kumuzkum zaroor poori hon gi. Ayk tu hulwa khaney ki aur dosra Imran Khan ko dekhney ki . Tahrik-e-Insaf ki raabta committee ne PTI kay jalsoon main logon ki kum-hazri ka buhut aqalmandana hul nikala hae. Unhoo ne PTI kay jalsoon ko kamyab bnaney k liye Daata sahib ki shuhrat bhi cash karwaney ki koshish ki hae . youn lagta hae jaisey PTI ka jalsa shoro jahan marzi ho , khatam daata darbar aa k ho ga taak Imran Khan ko sun’ney wala koi tu ho wahan pe Kahin manta’in poori kartey waqt ayk shart yeh bhi na rakh di jaye k PTI kay jalsay main bhi haazri deni hae khair ’syasat’ , Muhabbat aur Jang main sabbbbb chalta hae.

no no no no no no no no no no no no no no no no no no no no no no YES

( Jub ‘no’ suntey suntey YES ko sehnay ki taqat na reh jaye tu yeh sun’na parr jata hae hehehehehe)

yes  yes yes yes yes yes yes yes yes yes yes yes yes yes yes yes yes yes  NO!

( Jub ‘No’ ko kharij-uz-imkan qrar de diya jaye tu yeh ‘aftaad’  sar pe toot parrti hae hahahahahahahah)

But…

We learn alot from these behaviours.

Am I right????

By the way mujhey pehli situation apney ghar pe face krni parri aur dosri at my work place  

Sweet Nayni,

Kahan ho yar ??? 4 din ho gye tum mujh se milnay nahi aai … Kuch andaza hae tum ko kay mae kitna udas hon?   Nayni tumhari duniya kay sab log gundey hain . Tum theek mushwara diya karti thi mujh ko k es duniya k sath apna sar matt phoro aur apni roshni aur waqt burbaad mat karo but mae kitna bewqoof  tha

Nayni tumhari dunya k logon ko tu pata hee nahi k ezzat aur ghairat kis cheez ka naam hae but yahan 4 loog mujhey jantey hain mujhey pehchantey hain. Tumhari soch ho gii jitni myri jug hunsaii hoi sab planets kay moons kay darmiyan. Wo saaley Jupiter kay chand tu taalian bja rhe hain k Mian Zameen k Chand kay sath tu khob hoii es baar. Bara bun sanwar kay nikalta tha kay main niklon ga tu zameen pe EID ho gii.. Khubsurat Dousheezain chorian pehn’ney ghar se niklain gi.. bachey es khushi main uchlain gae koodain gae k subah tu zaror Eidi milay gi… Political workers ki khushian bhi qabl-e-deed ho gi kay un kay leaders Salana/ shash-mahi/seh-mahi kay aaetekaf se uth k unhae apna deedar karwain gae.

But sabb ghalat hoa nayni Myrey ‘nikalney’ pe tu ‘larai’ ho gyee Yeh tumharey syast-daan aur Mulla!!! Sara saal tu en ko myri hosh nahi hoti .. Mulla ko Hulway mae aur Syasat-daan ko ‘kursi’ mae chand nazar aata hae..Yeh kon hotey hain myrey ‘nikalney’ ko issue bna’ney waley????Myrey qadar-daan tu wo dil-waley hain jo Dil milnay pe mujhey apney mehboob kay chehray main aur Dil Jalney pe mujh main apney Mehboob kay chehray ko doond’tey hain.

Nayni en ko samjha lou warna mae planet badal lon ga … tum myri jaan wahan aa jana … choro es duniya ko ..jahan sawiyan pakaney k liye cheeni bhi nahi … kisi ki shadi hoti nahi aur koi manta nahi kay shadi hoi hae. Kisi ko uss kay standard ki job nahi milti aur kisi ko akhtha hee president house mil jata hae.  Koi sara din line mae khara ho k,shanakht prade kra k 100 rupees ka 10 din k liye aata khareedta hae tu koi 799 ki iftari krta hae. Koi maan apney betay ko JJ se 3000 ka kurta shalwar dilwati hae tu koi apney bachey k kapron main se doondti hae k subah pehn’ney k liye sab se sahi halut main konsa hae. Nayni tum aur mae kitney bewqoof hain jo es duinya mae wafa doondtey hain. Yahan naa tu daamun uljhaney k liye Moqay ki kami hae naa damun bchaney k liye ‘b’haano’ ki. Jahan ki awam ko yeh bhi nahi pta k un ka hukmran kon hae. Jis ki fooj kay retired officers jub mulki raazo se aur aykdosrey kay raazo se pardha utha’tey hain tu bey-sakhta monh se nikalta hae ” Aye Putter ’waqaiii’ hattan tae nahi vikdey’.

Tu bolo nayni kya karain????

Aur haan tum apni musroofiat thuri kam karo .Subah Sunday hae. Aa jana yar . mil kay bethain gae batain karain gae .

Apni nayni ka,

Chand